Tre vëllezërit Alexander dënohen me nga 30 vjet burg për përdhunimin e grave

Tre vëllezërit Alexander, mes tyre dy manjatë të pasurive të paluajtshme, do të vuajnë secili nga 30 vjet burg për pjesëmarrjen në një skemë abuzimi seksual. Për dekada, ata droguan dhe përdhunuan dhjetëra gra. Tal Alexander, 40 vjeç, dhe binjakët Oren e Alon Alexander, 39 vjeç, u shpallën fajtorë në mars. Sipas akuzave, ata shfrytëzonin pasurinë dhe pozitën shoqërore për t’i ftuar gratë në festa e banesa luksoze, ku më pas i sulmonin seksualisht. Para se të shpallte vendimin në gjykatën federale të Nju Jorkut, gjyqtarja Valerie Caproni u tha të pandehurve: “Veprimet tuaja ishin monstruoze. Krimet tuaja shkatërruan jetët e viktimave”.