Ervin Mata kërkon të pengojë ekstradimin nga Brazili/ Gjykata Supreme rrëzon ankimin e dytë

Gjashtë muaj pas arrestimit të tij, Ervin Mata mësohet se ka tentuar që të pengojë për herë të dytë ekstradimin e tij nga Brazili në drejtim të Shqipërisë, duke u ankuar në Gjykatën Supreme të Brazilit. Sipas Euronews, gjykata ka refuzuar që të shqyrtojë ankimin e dytë të “Bolit të kokainës”. Në vendimin e marrë nga trupi gjykues me relator ministrin Alexandre de Moraes, para tetë ditësh, gjykata ka arsyetuar se mbrojtja nuk ka paraqitur argumente të mjaftueshme për të vënë në dyshim vendimin e mëparshëm të marrë në mesin e shtatorit, kur Gjykata e Brazilit miratoi ekstradimin e tij.