“Bënë thirrje për dhunë në protesta”/ Antiterrori procedon 17 persona

17 persona janë proceduar penalisht nga strukturat e Antiterrorit, në kuadër të hetimeve për thirrjet për dhunë në rrjetet sociale, në kontekstin e protestave të zhvilluara gjatë dy javëve të fundit. Sipas Policisë, hetimet janë kryer në bashkëpunim me strukturat e Hetimit të Krimit Kibernetik dhe prokuroritë, pas publikimeve me përmbajtje të dhunshme dhe kërcënuese në rrjetet sociale. 17 personat po hetohen për vepra të ndryshme penale, përfshirë thirrjet publike për veprime të dhunshme, nxitjen e urrejtjes dhe shpërndarjen e materialeve antikushtetuese.