Dashnor Sula: Opozita nuk është në nivelin e vet, dëm për demokracinë! Berisha i hoqi zërat kundër dhe gjithë të mirët

Dashnor Sula, teksa ishte i ftuar në News24, kritikoi gjendjen e opozitës dhe përplasjet brenda Partisë Demokratike, duke theksuar se dhuna dhe molotovët nuk janë rruga për të fituar mbështetjen e qytetarëve. Ai kujtoi gjithashtu përçarjet brenda PD-së nga viti 2021 deri në vitin 2025, ndërsa foli edhe për vendimin e tij për t’iu bashkuar mazhorancës, duke theksuar se nuk ka qenë një zgjedhje e lehtë. Dashnor Sula: Nëse ndodh kjo që po ndodh, është gjë e mirë. Opozita ka kauzat e veta politike. Nëse opozita nuk është në nivelin e vet që të bëjë opozitën, është në dëm të demokracisë. Duhet të bëjë presion te mazhoranca. Po nuk ishe në rregull për veten tënde, mos prit nga të tjerët. Opozita duhet të jetë e kuruar, e strukturuar. Përballë mazhorancës dhe qytetarëve, ti do të duhet të ngjallësh shpresë. Edhe kur isha unë aty, ishim në luftë civile në PD, nga 10 shtatori i vitit 2021 deri në vitin 2025. Çfarë mesazhi u japim qytetarëve ne? Sot ke protesta ku ka dhunë.