Gjykata Administrative e Apelit pezullon bojkotin e avokatëve në GJKKO

Gjykata Administrative e Apelit ka pezulluar vendimin e Dhomës së Avokatisë së Shqipërisë për bojkotimin e proceseve gjyqësore në Gjykatën e Posaçme kundër Korrupsionit dhe Krimit të Organizuar (GJKKO). Lajmi është raportuar nga gazetarja Klodiana Lala, sipas së cilës vendimi i gjykatës administrative lidhet vetëm me bojkotin e seancave në GJKKO dhe nuk përbën një vendim të përgjithshëm për të gjitha proceset gjyqësore. Prej rreth dy muajsh, avokatët kanë refuzuar të marrin pjesë në seancat e zhvilluara në Gjykatën e Posaçme, në shenjë kundërshtie ndaj rregullores së re të këtij institucioni.