Arteta jep alarmin para Liverpoolit: Rice, Calafiori dhe Madueke në dyshim

Arsenali rrezikon të zbresë në fushë ndaj Liverpoolit me tre mungesa të rëndësishme, pasi Mikel Arteta ka konfirmuar shqetësimet fizike për Declan Rice, Riccardo Calafiori dhe Noni Madueke. Asnjëri prej tyre nuk ishte në dispozicion në sfidën e mesjavës, ku londinezët u eliminuan në mënyrë befasuese nga Fleetwood Town, skuadër e kategorisë së katërt të futbollit anglez. Takimi u vendos pas gjuajtjeve të penalltive, duke i shkaktuar Arsenalit një tjetër zhgënjim. Edhe pse Arteta zgjodhi një formacion konkurrues për atë ndeshje, mungesa e Rice, Calafiorit dhe Maduekes u ndje dhe tani shton pasigurinë përpara transfertës në Anfield.