Zhbllokohen përkohësisht gjyqet në GJKKO/ Apeli administrativ pezullon bojkotin e avokatëve

Gjykata Administrative e Apelit ka pezulluar efektet e vendimit për bojkotin e avokatëve, të miratuar nga Këshilli Drejtues i Dhomës së Avokatisë, deri në shqyrtimin e çështjes. Apeli Administrativ ka pranuar kërkesën e Shoqatës së Avokatëve Antikorrupsion, e cila kundërshtoi vendimin e Dhomës së Avokatisë. Me këtë vendim, për momentin zhbllokohen proceset gjyqësore në Gjykatën e Posaçme kundër Korrupsionit dhe Krimit të Organizuar (GJKKO), ku avokatët kishin kundërshtuar rregulloren që u ndalonte mbajtjen e telefonave celularë në sallën e gjyqit.