Zelensky: Ndajmë të njëjtin synim me Trump për përfundimin e luftës

Presidenti ukrainas, Volodymyr Zelensky ka deklaruar se ai dhe presidenti amerikan, Donald Trump, ndajnë të njëjtin synim për t’i dhënë fund luftës mes Rusisë dhe Ukrainës, por kanë dallime lidhur me mënyrat për ta arritur këtë. Zelensky në Telegram tha se ka argumentuar se ukrainasit e kuptojnë shoqërinë ruse më mirë se amerikanët, për shkak të së kaluarës së tyre të përbashkët sovjetike dhe viteve të jetesës pranë rusëve. “Jemi në të njëjtën anë me presidentin Trump kur flasim për nevojën për t’i dhënë fund kësaj lufte ruse. Por, ne shohim mjete të ndryshme për ta arritur këtë synim”, tha ai. I pyetur për mendimin e tij rreth presidentit rus, Vladimir Putin, Zelensky e përshkroi atë s “injë njeri thellësisht sovjetik”, si për botëkuptimin, ashtu edhe për mentalitetin e tij. “Të thuash të vërtetën është një nga armët tona”, tha Zelensky duke shtuar se do të vazhdonte të fliste hapur ndërsa Ukraina përballet me presion dhe se do të përdorte të gjitha kanalet diplomatike në dispozicion për të mbrojtur vendin.