SPAK çon në gjyq Eugert Sinon si drejtues e financues të grupit të dyshuar kriminal

SPAK ka mbyllur hetimet dhe i ka përcjellë Gjykatës së Posaçme të Shkallës së Parë kërkesën për gjykimin e Eugert Sinos, të akuzuar për drejtimin dhe financimin e veprimtarisë së paligjshme të trafikimit dhe mbajtjes së armëve të zjarrit e municioneve luftarake. Sipas Prokurorisë së Posaçme, Sino dhe persona të tjerë dyshohet se kanë siguruar një sasi të konsiderueshme armësh e municionesh. Mes tyre janë evidentuar 5 armë të gjata, përfshirë snajperë, 6 armë automatike, 12 pistoleta, 17 krehra shtesë, 4 tyta armësh dhe 7.820 fishekë luftarakë të kalibrave të ndryshëm.