Studentët në ditën e 16-të të protestës, marshojnë nga Ministria e Arsimit te Fakulteti Ekonomike

Studentët dhe qytetarët janë grumbulluar sërish në Tiranë për të protestuar në ditën e 16-të. Fillimisht ata janë vendosur para Ministrisë së Arsimit ku kanë protestuar të qetë për më shumë se një orë. Para ministrisë është vendosur një kordon policie për të monitoruar situatën dhe për të parandaluar përshkallëzimin e saj si dhe një makinë ujëhedhëse. Gazetarja Keti Toroveci raportoi për RTSH se tubimi është zhvilluar në qetësi, pa incidente apo përplasje me forcat e policisë. Më pas studentët kanë marshuar drejt Fakultetit Ekonomik.