Plagosja e 22-vjeçarit në Tiranë, dyshohet se konflikti nisi për një borxh të pashlyer (Emrat-Detaje)

Një borxh i pashlyer dyshohet se qëndron në themel të konfliktit mes Elvis Zirkës, 22 vjeç, dhe Sokol Zekës (Troka), 28 vjeç, i shpallur në kërkim si autor i dyshuar i plagosjes me armë zjarri në Tiranë. Ngjarja ndodhi rreth orës 01:00 të mëngjesit, në rrugën “Medar Shtylla”, ku i riu mbeti i plagosur me armë zjarri dhe u transportua në spital, ku ndodhet nën kujdesin e mjekëve. Sipas të dhënave paraprake nga hetimet, konflikti mes dy personave nuk është i momentit, por dyshohet se ka nisur më herët.