Scholes: Fernandes nuk meriton më shiritin e kapitenit, duhet të largohet nga Evropa

Paul Scholes ka vënë në pikëpyetje nëse Bruno Fernandes mund të mbajë ende rolin e kapitenit të Manchester United, pas kritikave që mesfushori drejtoi ndaj trajnerit Michael Carrick. Ish-lojtari i United e quajti reagimin e portugezit të pafalshëm dhe i sugjeroi të vazhdojë karrierën në Arabinë Saudite. Fernandes kundërshtoi vendimin për të mos përdorur markim një-për-një ndaj Comos, duke argumentuar se kjo taktikë i kishte dhënë më shumë besim kundërshtarit. Pas deklaratave, ai nuk u përfshi në skuadrën për sfidën me Bournemouth. Scholes foli pas humbjes së Unitedit në Itali javën e kaluar, ku kapiteni kritikoi publikisht mënyrën se si Carrick kishte përgatitur ekipin. “Ajo që tha Bruno Fernandes javën e kaluar më duket e pafalshme”, u shpreh ai.