Vota e gazetarit australian për Topin e Artë ngjalli debat me renditjen e Yamalit

Daniel Garb, gazetari që përfaqëson Australinë në votimin e Topit të Artë, publikoi zgjedhjet e tij për edicionin e vitit 2026, duke tërhequr vëmendje për renditjen e disa prej kandidatëve. Një nga vendimet që ra më shumë në sy ishte vendosja e Lamine Yamalit në vendin e gjashtë, pas Michael Olise. Garb merr pjesë në votim që prej vitit 2018 dhe tha se këtë herë e pati më të vështirë se kurrë të përcaktonte renditjen. Sipas tij, ndikimi i Kupës së Botës dhe ecuria e ndryshme e futbollistëve në klubet e tyre e bënë përzgjedhjen veçanërisht të ndërlikuar. Në një intervistë për platformën australiane Football360, ai bëri të ditur se në krye të listës vendosi Harry Kane, ndërsa Kylian Mbappe u rendit i dyti. Garb shpjegoi se diferenca në numrin e golave ndikoi në zgjedhjen e tij, duke përfshirë edhe një epërsi prej afërsisht 15 golash për sulmuesin e Bayern Munich.