Babai pagoi 5,600 euro për El Clasicon, por ai dhe djali e panë fundin e ndeshjes në taksi

Një tifoz i Real Madridit nga Sllovakia thotë se ai dhe djali i tij u larguan nga tribunat e Camp Nou pasi festuan golin e Kylian Mbappes në fitoren 2-1 të madrilenëve ndaj Barcelonës. Frantisek Vavrek udhëtoi drejt Barcelonës për t’i dhuruar djalit të tij, Denis, një kujtim të veçantë për 18-vjetorin. Sipas tij, përvoja që duhej të ishte e paharrueshme u kthye në zhgënjim: pjesën e mbetur të ndeshjes, babai dhe i biri e ndoqën në telefon, brenda një taksie. Në një intervistë për gazetën spanjolle Marca, Vavrek tha se ishte nisur nga Presovi i Sllovakisë dhe kishte përshkuar rreth 300 kilometra deri në Budapest, prej nga mori fluturimin për në Barcelonë. Me ta udhëtuan edhe miqtë e familjes nga Kroacia, Krunoslav Pipinic dhe djali i tij, Kresimir, i cili kishte mbushur 18 vjeç pak ditë para ndeshjes.