Jetën ia mori kunati?! “Arlinda dhunohej nga burri”, rrëfehet e prekur mikja e saj

Vrasja e 49-vjeçares Arlinda Zekaj në Pejë të Kosovës është trajtuar në emisionin “Në Kohë Reale” në RTSH1. Zekaj kishte denoncuar dhunën në familje, kishte siguruar urdhër mbrojtjeje dhe ishte shoqëruar nga policia për t’u kthyer në shtëpi te djali i saj, por u gjet e vrarë në dhomën e gjumit. Autor i dyshuar është kunati i saj i cili është shpallur në kërkim, ndërsa është ndaluar edhe ish-bashkëshorti. Ndërkaq, mikja e ngushtë e Arlindës, Iliriana Zhubi, e cila jeton në Shtetet e Bashkuara, dha një rrëfim të dhimbshëm për jetën e saj. Sipas saj, Arlinda kishte jetuar për vite me dhunë psikologjike sistematike nga ish-bashkëshorti Jetoni.