“Flamingot e diasporës” që kthejnë xhaketën sipas lejeve të ndërtimit

Në mediat e opozitës pak ditë më parë, u pompua si me bujë një deklaratë e një shqiptari të Nju Jorkut, ish-politikan i zgjedhur nga radhët e Partisë Demokratike të SHBA, në organet shtetërore dhe bashkiake. Bëhet fjalë për Mark Gjonajn, i cili për një kohë kishte marrëdhënie të ngushta me Edi Ramën, qeveria e të cilit e emëroi për një kohë dhe drejtues i diasporës shqiptare në SHBA. Gjonaj, pak ditë më parë, në një deklaratë të shpërndarë rrjetet sociale e në disa media opozitare, kërkoi dorëheqjen e kryeministrit Edi Rama.