Pritshmëritë e Berlinit dhe Brukselit nga ndryshimi në Serbi

Lista Studentore, platforma politike e krijuar nga studentët në Serbi, sfidoi bindshëm në zgjedhjet e parakohshme partinë në pushtet të presidentit Aleksandar Vuçiç. Lista Studentore mund të krijojë tani e vetme qeverinë e re në Serbi. Ndryshimi i pushtetit në Serbi u prit me vlerësime në Berlin e po ashtu edhe në Bruksel. Kancelari federal Friedrich Merz vlerësoi suksesin e Listës Studentore duke theksuar, se: “Me kërkesat e saj për shtetin e së drejtës, luftën kundër korrupsionit dhe liritë themelore, ajo arriti të fitojë mbështetjen e qytetarëve”, thuhet në një deklaratë të politikanit të CDU-së në platformën X. Në të njëjtën kohë, ai siguroi se do të vazhdojë të mbështesë rrugën evropiane të Serbisë.