Rruga e Ndroqit, firmoset kontrata për 9 kilometra, financim edhe për segmentin drejt Durrësit

Punimet për vijimin e aksit Kombinat–Ndroq–Plepa pritet të avancojnë pas përfundimit të lotit të parë. Ministri i Infrastrukturës dhe Energjisë, Enea Karakaçi, bëri të ditur se është finalizuar kontrata për 9 kilometrat e tjerë, ndërsa segmenti prej 10 kilometrash drejt Plepave në Durrës, ka siguruar financimin dhe pritet t’i nënshtrohet procedurës së konkurrimit. Sipas ministrit, autoriteti po përmbyll dokumentacionin e nevojshëm për hapjen e procedurës së konkurrimit deri në mesin e muajit nëntor.