Pulisic drejt rinovimit me Milanin, kontrata e re parashikon rritje page

Christian Pulisic dhe Milani kanë gjetur gjuhën e përbashkët për një kontratë të re, ndërsa sulmuesi amerikan është pranë vazhdimit të karrierës me kuqezinjtë. Gazeta italiane La Gazzetta dello Sport raporton se 28-vjeçari pritet ta firmosë marrëveshjen e re në ditët në vijim. Kontrata do ta mbajë atë te Milani deri në vitin 2031. Rinovimi do të shoqërohet edhe me rritje të pagës. Pulisic aktualisht merr katër milionë euro neto në sezon, ndërsa në bazë të marrëveshjes së re do të përfitojë pesë milionë euro në vit, pa llogaritur bonuset.