Abissnet Superiore në RTSH/ Java e 9-të luhet të mërkurën dhe të enjten, oraret dhe stadiumet

Kampionati i Abissnet Superiore, që transmetohet në RTSH, do të vijojë me ndeshjet e javës së 9-të, që do të zhvillohen të mërkurën dhe të enjten, më 28 dhe 29 tetor. Pesë takimet e kësaj jave do të luhen në dy ditë, me duele interesante në garën e kampionatit. Të mërkurën, Vora do të presë Vllazninë në orën 13:30, ndërsa në orën 18:30 do të luhen dy ndeshjet e tjera të ditës, Skënderbeu–Laçi dhe Elbasani–Partizani. Java e 9-të do të mbyllet të enjten me dy takimet e fundit. Tirana do të përballet me Dinamon në orën 13:30 dhe ky derbi do të luhet në stadiumin “Niko Dovana” të Durrësit. Në orën 18:30 do të luhet sfida mes Egnatias dhe Teutës.