Kancelari Merz: Partneriteti strategjik Gjermani-Singapor do të zhvillohet më tej

Kancelari gjerman Friedrich Merz deklaroi sot se Gjermania dhe Singapori do të zgjerojnë partneritetin e tyre strategjik, duke u përqendruar në mbrojtje, tregti dhe investime, inteligjencë artificiale dhe energji të gjelbër. Duke folur në një konferencë të përbashkët për mediat në Singapor, pas takimit me kryeministrin Lawrence Wong, Merz tha se ata kanë rënë dakord për një plan pune të përditësuar për vitet e ardhshme, me qëllim forcimin e bashkëpunimit në fusha të ndryshme. “Ne duam ta intensifikojmë bashkëpunimin tonë në politikën e mbrojtjes dhe sigurisë. Jemi duke finalizuar marrëveshje të reja për sigurinë kibernetike”, tha Merz.