Përplasje te ‘Ligjet’ për paketën e masave ndaj protestuesve, PD largohet nga mbledhja

Tensionet politike janë zhvendosur edhe në Komisionin e Ligjeve, ku përfaqësuesit e Partisë Demokratike kanë braktisur mbledhjen në shenjë kundërshtimi ndaj vijimit të punimeve parlamentare. Demokratët morën pjesë në nisje të diskutimeve, por u larguan më pas, duke kundërshtuar edhe paketën e masave ndëshkuese që pritet të shqyrtohet në Kuvend. Mbledhja u shoqërua me debate mes opozitës dhe mazhorancës, ndërsa përplasjet u përqendruan te qëndrimi i qeverisë ndaj protestave dhe përgjegjësia politike për situatën e krijuar. Gjatë diskutimeve, deputeti socialist Ulsi Manja iu përgjigj kritikave të përfaqësuesve të opozitës me tone të ashpra, duke e cilësuar selinë e Partisë Demokratike si një vend të lidhur me dhunën.