Harry Kane e “gdhin” duke festuar me miqtë dhe familjen fitimin e Topit të Artë

Sulmuesi anglez e festoi triumfin me familjen dhe miqtë, vetëm pak orë pasi u shpall futbollisti më i mirë në botë për vitin 2026. Në festën e organizuar në klubin prestigjioz Cirque Le Soir ishte edhe bashkëshortja e tij, Kate, si dhe disa ish-shokë skuadre. Harry Kane e ka festuar në mënyrë të veçantë fitimin e Topit të Artë 2026. Pas ceremonisë madhështore në Palladium Theatre të Londrës, kapiteni i Anglisë iu drejtua klubit të njohur të natës Cirque Le Soir, në zonën e Soho-s, ku vazhdoi festimet deri në orët e para të mëngjesit. Sulmuesi 33-vjeçar i Bayern Munich triumfoi përballë konkurrencës së Kylian Mbappé dhe Lamine Yamal, duke u shpallur futbollisti më i mirë në botë. Pas ceremonisë, Kane mbërriti në klub me trofeun prestigjioz, ndërsa u prit nga një atmosferë festive, me shampanjë dhe fishekzjarrë dekorativë.