Prokuroria kërkon paraburgimin e ish-bashkëshortit të Arlinda Zekajt

Prokuroria Themelore në Pejë, përmes Departamentit të Përgjithshëm, ka kërkuar caktimin e paraburgimit për të pandehurin J.S., i cili dyshohet për kryerjen e veprës penale “Mospërfillja e gjykatës”, të përcaktuar në Kodin Penal të Republikës së Kosovës. Rasti dyshohet se ka ndodhur më 25 tetor 2026, rreth orës 17:58, në rrugën “Mon Dedushaj”, në fshatin Vitomiricë të Komunës së Pejës. Sipas Prokurorisë, J.S. nuk ka respektuar pikën I të dispozitivit të aktvendimit të Gjykatës Themelore në Pejë, të nxjerrë më 16 tetor 2026. Vendimi gjyqësor e urdhëronte të pandehurin të mos ushtronte dhunë fizike ose psikike, të mos pengonte lëvizjen e viktimës dhe të mos e ofendonte, shqetësonte apo kërcënonte atë.