Kanceri te të rinjtë- lidhja e mundshme me plakjen e parakohshme

Brezat e rinj mund të jenë duke u plakur biologjikisht më shpejt se brezat e mëparshëm, një prirje që mund të ndihmojë në shpjegimin e rritjes së rasteve të disa llojeve të kancerit në moshë të re. Një studim i publikuar në revistën Nature Medicine sugjeron se plakja e përshpejtuar biologjike mund të lidhet me rritjen e rasteve të kancerit te të rinjtë gjatë dekadës së fundit. Studiuesit nga Shkolla e Mjekësisë e Universitetit të Uashingtonit në St. Louis shpjegojnë se kanceri mund të zhvillohet kur dëmtimet gjenetike grumbullohen në qeliza. Këto dëmtime mund të ndryshojnë mënyrën se si funksionon ADN-ja dhe si ndahen qelizat, duke favorizuar zhvillimin e sëmundjes. Procese të tilla janë më të zakonshme me kalimin e moshës.