Sot mbahet dita e 15-të e revoltës studentore ndaj Ramës

Protesta studentore kundër qeverisë së Edi Ramës vijon edhe këtë të martë, më 27 tetor, duke hyrë në ditën e saj të 15-të. Tubimi pritet të nisë në orën 10:00, me grumbullimin e protestuesve dhe marshimin drejt Ministrisë së Arsimit. Kësaj radhe, studentëve pritet t’u bashkohen edhe pedagogë, ndërsa protesta vijon të shërbejë si një pikë bashkimi për qytetarët që kundërshtojnë mënyrën se si qeveria po përballet me kërkesat e të rinjve. Pjesëmarrësit nuk e kanë pranuar ftesën për t’u ulur në tryezën e dialogut, duke këmbëngulur se kërkesat e tyre nuk mund të zëvendësohen me bisedime pa një përgjigje konkrete nga qeveria.