“Dialog”, Rama përsërit thirrjen për studentët

Kryeministri Edi Rama ka përsëritur për të tetën herë thirrjen për dialog me studentët protestues, duke i ftuar të ulen në tryezën e bisedimeve për të diskutuar kërkesat e tyre. Përmes një postimi në Facebook, Rama ka publikuar një video të “sofrës së gurtë”, ku shfaqet fjala “Dialog”, duke përcjellë edhe një herë mesazhin për uljen në tryezë me protestuesit. Pavarësisht ftesave të vazhdueshme të kreut të qeverisë, studentët nuk kanë ndryshuar qëndrim. Prej gati dy javësh ata vijojnë protestat, duke këmbëngulur në kërkesën për dorëheqjen e kryeministrit.