Pa pikën e mëshirës! Momenti kur Erjon Vishkulli goditet në sy (VIDEO)

Pamjet nga protesta e 24 tetorit në Tiranë kanë dokumentuar momentin kur Erjon Vishkulli, 28 vjeç, pësoi një dëmtim në syrin e majtë gjatë tensioneve të regjistruara pranë Bankës së Shqipërisë, ku protestuesit u përplasën me forcat e policisë. Në sekuencat e publikuara, i riu shihet duke u larguar nga rreshti i parë, përpara se të ulet dhe më pas të shtrihet në tokë, duke mbajtur syrin me dorë. Në sfond dëgjohen shpërthime fishekzjarrësh, ndërsa disa prej protestuesve afrohen për t’i dhënë ndihmën e parë dhe kërkojnë mbërritjen e ambulancës. Ngjarja u shënua në një moment të tensionuar të protestës, ndërsa pamjet kanë rikthyer vëmendjen te pasojat e përplasjeve mes demonstruesve dhe policisë.