Ami Kozeli i bën karshillëk Ramës

Një tjetër përplasje e mundshme në kupolën drejtuese vjen nga Autoriteti Rrugor Shqiptar. Në qendër të vëmendjes është drejtori i këtij institucioni, Ami Kozeli, i cili ka publikuar në rrjetet sociale një marrëveshje me një kompani të huaj, duke e paraqitur si të nënshkruar gjatë ditës së sotme. Megjithatë, sipas pretendimeve të ngritura nga publikimi që ka vënë në dukje këtë rast, kompania e huaj e kishte njoftuar marrëveshjen në profilin e saj në LinkedIn disa ditë më herët. Kjo mospërputhje e pretenduar mes dy publikimeve ngre pikëpyetje mbi kohën kur është nënshkruar realisht marrëveshja dhe arsyen pse Kozeli e ka prezantuar atë si një zhvillim të ditës.