Rama dhe Balluku, takim kokë më kokë te “Vila 30”

Belinda Balluku nuk mori pjesë në mbledhjen e Grupit Parlamentar të Partisë Socialiste, ku ishte i pranishëm edhe kryeministri Edi Rama. Por, sipas raportimeve mediatike, mes tyre është zhvilluar një takim i veçantë në Vilën 30, në zonën e ish-Bllokut, që ka zgjatur më shumë se një orë. Takimi mësohet se është zhvilluar pasditen e 26 tetorit. Deri më tani nuk ka informacion zyrtar mbi arsyet e këtij takimi apo çështjet që janë diskutuar mes kryeministrit dhe ish-zëvendëskryeministres. Ky zhvillim vjen në një periudhë të ngarkuar për mazhorancën, mes protestave studentore dhe zhvillimeve që lidhen me hetimet e SPAK ndaj Belinda Ballukut.